Jowai K, lyngkot 31: Ki don 20 ngut ki kyrtong na ki seng saiñpyrthei bapher bapher ba kynthup ïa ki kyrtong shimet ki la ban thep kyrteng ha ka ophis jong u Deputy Commissioner ka West Jaiñtia Hills District na ka bynta elekshon sha ka ïingdorbar jong ka Jaiñtia Hills Autonomous District Council.
Ki kyrtong kiba wan thep kyrteng na ka NPP ki kynthup ïa u Bah Mihnyngkong Sutnga na Shangpung, Bah Tellme Phawa na Nongbah-Mihmyntdu, Bah Ailad Bhoi na Mukhla-Ummulong, Bah Remdorkupar Lyngdoh na Saphai-Sahsniang, Bah Aiborlang Shadap na ka Barato-Mukroh, Bah Evening Star Teron na Mynso-Nongjngi, Bah Bison Roy Ïano na Raliang, Bah K.Dikyl Sing Phawa na Jowai south.
Na ka United Democratic Party (UDP) ki kynthup ïa u Bah Meiowan Pasi na Nangbah- Mihmyntdu, Bah Winningarland Sungoh na Mowkaïaw, Bah Marki Mukieh na Jowai North, Bah Eleazer C. Dkhar na Shiliang Myntang.
Na ka Indian National Congress ki kynthup ïa u Bah J. Treilang Suchiang na Shangpung, Bah Welpard Suchiang na Raliang, Bah Saron Paswet na Jowai South, Bah Donbai Rymbai na Amwi- Khliehtyrchi.
Kiwei pat kiba thep kyrteng kum ki kyrtong shimet ki kynthup ïa u Bah Brightstar Chyrmang na Nangbah-Mihmyntdu, Bah Moonlight Pariat na Jowai South, Bah Heiboklang Suting na Amwi Khliehtyrchi bad u Bah Carebasius Pasi na Mynso- Nongjngi Constituency.
Ki don ruh ki kyrtong ka VPP, Congress bad Independent kiba la thep kyrteng ha Amlarem Civil Subdivision.
Ki lai ngut ki kyrtong jong ka VPP ki kynthup ïa u Bah Isaak Shylla na War-East, Bah Jamshaphrang Pohtam na War-Certral bad u Bah Batskhem Hayong na War-West.
Sa ar ngut kiba la thep kyrteng ha kane ka sngi ha Amlarem ki kynthup ïa u kyrtong ka Congress u Bah Romeo Lyngdoh na War Central bad u Bah Blonsing Hayong kum u kyrtong shimet na War West.
