Nongpoh, Nohprah 22: U District Magistrate ka Ri-Bhoi District katkum ka kyndon aiñ 163 jong ka Bharatiya Nagarik Suraksha Sanhita, 2023 u la maham ïa baroh ki riew shimet, ki karkhana, ki jaka pule, hotel, petrol pump bad kiwei kiwei ba kim dei ban tih khyndew khlem ka jingioh jingbit, kata 1km naka surok bah National Highway haki bynta jong ka Khanapara haduh Byrnihat.
Ïa kane ka hukum la pynmih namar ki kam ot khyndew kiba jia ha shilynter ka surok bah National Highway, bad ki surok PWD ha Ri Bhoi District kiba lah ban wanrah ïa ki jingktah ïa ka mariang, naduh ka jingtwa khyndew.
Kumta kino kino ki briew kiba pynkheiñ ïa kane ka hukum kin shah pynngat ha ki kyndon aiñ katkum ka Section 223 jong ka Bharatiya Nyaya Sanhita 2023.
Kane ka hukum kan treikam noh mardor tad haduh ban da pynmih da kawei pat ka hukum.
