Shillong, Nohprah 07: Ka ICAR-CIFA, Rahara, Kolkata, ha ka jingïatreilang bad ka Directorate of Fisheries, Shillong ka la pynlong ïa ka jingai jinghikai ha kaba ïadei bad ka mat “Recirculating Aquaculture and Biofloc Systems in Fresh Water Aquaculture” ha kaba ïa kane ka prokram la pynlong naduh ka 3 tarik mynta u bnai, ha Meghalaya State Fisheries Research and Training Institute (MSFR & TI, kaba don ha Mawpun.
Ha kane ka prokram la donlang u Dr. S. Adhikari, Principal Scientist bad NEH Coordinator jong ka ICAR-CIFA, kiba la batai halor ka kam ban ri dohkha katba
Dr. R. N. Mandal, Principal Scientist, u la batai ïa ka jinglong kongsan ban ri ïa ki dohkha.
Ha kane ka sngi ka la don ruh ka jingleit jngoh sha ki jaka ri dohkha kiba don ha ka jylla bad ki la ïoh ruh ban ïasyllok bad ki nongri dohkha kiba don kumba 40 ngut kiba dei ki nongri dohkha napoh ka thaiñ Bhoi District kiba la wan ban ïashim bynta lang ha kane ka jingïoh jinghikai.
