Khliehriat, Naiwieng 11 : Ka Jaiñtia Students Union, hapoh ka jingialam u President rangbah, u bah J.Shylla, myn ha ka sngi saitjaiñ ka la jied thymmai ïa ki nongkitkam jong JSU Narpuh Circle, ïa ka jingïalang la pynlong ha shnong Mynkre
Ïa ki nongkitkam ba thymmai la pynskhem da u President JSU Central Body, u J.Shylla bad u la ai ruh ka jingkitbok kitrwiang ïa ki nongkitkam ba thymmai, ha kajuh ka por u la kren ruh halor ki nongrim ba ka seng ka ieng, u la ki kyntien sneng kyntu bad u la ban jur ba ki dei ban long kiba ïa tylli kawei ha kajuh ka por u kyntu ruh ba ki dei ban long kiba shimkhia ïa kino kino ki mat kiba donkam bad ban long kiba trei shitom na ka bynta ka bha ka miat ha ka imlang ka sahlang.
Kiba la ai jingkren ki kynthup ruh,u President JSU Khliehriat Circle, u samla Livingson Sama, Finance Secretary Central Body, u Tricky Mukhim bad la ioh ruh ïa ka jingkren na ki nongïalam ba thymmai jong ka Circle bad kiwei kiwei, ïa ka jingïalang la pyniaid da u Disciplinary Secratary Central Body, u samla Ryngkatbor Diengdoh.
Ki nongkitkam ba thymmai jong ka JSU Narpuh Circle ba la jied thymmai ki kynthup u President, u Franky Lamare,Vice, President, Mac Merald Suting, General Secretary, Cherimiki War, Assistant General Secretary, u Firose Siangshai, Organising Secretary, u Leborious Pohshna, Publicity Secretary, Fighting Pajuh, Sport Secretary, Lastborn Lamare, Education Secretary, Deibormi Mynthoi, Finance Secretary, Heimonmi Tariang lem bad shiphew ngut ki dkhot ka Executive.
