Nongstoiñ, Naiwieng 6: Ki bor District ka West Khasi Hills, ka la pynbna ban teh lakam noh pyrshah ïa ka jingrep Kynja bad poppy hapoh ka District.
Halor kane, ka ophis u Superintendent of Police ka District, ka la kyntu ïa ki paid nongshong shnong ba lada ki don jingtip ïa ka jingdon ki nongthung ganja bad poppy, ba kin sngewbha ban ai jingtip sha ki thanad ba marjan ba kin leh ei ei pyrshah ïa ki nongthung katkum ki kyndon ka aiñ.
Na ka liang u SP u ba dei ruh u District Level Member Secretary ka NCORD Committee, u la ong ba ïa kane ka sien jam la shim kum ka lynti ban wanrah ïa ka jinglong jingman kaba shngaiñ, kaba mut ban nym pyndonkam bakla kum ki jingdih buaid bad ban khanglad ïa ka jingthung beaiñ ïa kine ki jingthung.
U la pynthikna ba ki Pulit kin ym ïathuh ïano ïano ruh kiba ai jingtip shaphang ka jingdon ki briew bat hung ïa kine ki jingthung.
