Daka song pisa bad 10 byrni ka Dewbilat ïarap ka FKJGP sha ka Lanot pluh ïing ha Deiñsha Lalu East Jaiñtia

Jowai, Naiwieng 04: Ka seng FKJGP-East Jaiñtia Hills kaba juh ïai kner iaki jingiarap naka por sha ka por sha kiba donkam tam ka jingïarap sa shisien ka seng mynha kane ka sngi saitjaiñ haka 2/11/2024 hapoh ka jingïalam u President ka seng bah Deihok Sumer ryngkat ka jingsynran ki Nongïalam ka seng naduh u Vice President bah Welking Swer, u Information Secretary bah Michal Chyrmang, u Asst Sports Secretary bah Ienglang Siangshai bad u General Secretary ka FKJGP-Khliehriat Circle bah Just Me Sana, kila ïoh biang ban kner ïaki jingïarap sha kawei ka lanot pluh ïing jong ka kong Porpynsuk Dkhar haka Shnong Deiñsha Lalu kaba ha East Jaiñtia.
Kitei ki Lanot mynta kim donïing donsem shuh bad ki hap ban sah lang biang sha ka ïing kmie, kum ka jingpyn kynmaw kane ka jingjia ka jia haka 13/10/2024 hynrei namar ki don ki daw bym lah kiar hapoh ka seng ba sa slem ban pynpoi ïaki jingïarap naka seng.
Hashwa ban aiti ïa kitei ki song jingïarap la don ka jingïalang kaba lyngkhot bala pynïaid da u President u bah Deihok Sumer haka jingkren utei u nongïalam ula kyntu ïa katei ka longïing ban pdiang ïaki jingïarap jong ka seng watla ki long kiba rit ruh da kaba ai nuksa lada shi drop ka um ka lah ban pyndap ïaka duriaw ula bynrap bad ula ong ruh kine ki song ba ki ïoh ban ïarap sha kane ka Longïing dei daka jingsbun mynsien ki Dkhot bad ki Nongïalam ka seng ban ïa pyllang bad kynshew kat kaba lah ban pynpoi ïaki jingïarap sha ki Lanot.
La ïoh ruh ïaka jingkren na u Vice President bah Welking Swer uba la kylli ïaki Lanot la kila sdang ne em ban shna ïaka ïing thymmai jong ki naka liang jong ki traïing Lanot ki ong haoid la sdang bad mar hangta hi ka seng kala kular ban ïarap pynpoi 10 byrni ka Cement khlem ka jingsiew ha kine ki shisngi arsngi ban wan bad la ïoh ruh ïaki jingkren na u Information secretary bah Michal Chyrmang uba la kyntu ïa katei ka longïing ba kim dei ban duh jingkyrmen hynrei shañiah haka jingïalam bastad jong u Blei.
Khadduh la ïoh ïaka jingkren na ki trai ïing ka Porpynsuk Dkhar kaba ai ka jingïaroh ïaka seng kaba lah ban ai ki jingïarap sha ka longïing jong ki bad ka pdiang sngewbha ïaki jingïarap jong ka seng bad kala kyrkhu kyrdoh ïaka seng ba kin nang lah shuh shuh ban shakri kum ka seng haka imlang sahlang, kane kadei katkum u kyrwoh na u Information Secretary ka seng bah Michal Chyrmang.