Shillong, Risaw 31: Kum shi bynta ban rakhe ïa ka sngikha kaba 148 snem jong u Sardar Vallabhbhai Patel, u Chief Secretary ka Meghalaya u Bah D.P Wahlang u la ïalam ia ka jingshim smai halor ka National Unity Day hakhmat jong ka Main Secretariat building ha ka sngi Palei.
Ïa ka National Unity Day, la rakhe manla ka snem ha ka 31 tarik mynta u bnai, da kaba buh ïa ka phang jong ka Raigad Fort for 2024. Kane ka sngi kadei kaba leh burom ïa u Sardar Vallabhbhai Patel, u nongïalam uba kongsan bad uba long ruh u nongïalam ka ri India ha ka jingïakhun ïa ka jingïoh laitluid bad uba long ruh u Deputy Prime Minister bad Home Minister ba nyngkong eh jong ka ri India.
Kane ka dei ka sngi ba la aiti ban kyntiew ïa ka jingïalong kawei hapoh ka ri bad ka jingshongsuk shongsaiñ hapdeng ki nongshong shnong jong ka ri, da kaba pynphalang ïa ki jingthmu jong u Patel ban pynlong ïa ka India kaba khlaiñ. Kane ka National Unity Day kadei ka jingtyrwa kaba la sdang da u Myntri Rangbah duh ka ri u Narendra Modi ha ki jingkren jong u ha u snem 2014, bad ka la treikam ruh mardor ha kane kajuh ka snem ban ithuh ïa ki jingpyrshang jong u Patel ban pynïatylli ïa kumba 500 tylli ki Hima kiba dang synshar da ki syiem ba kin pynïasoh sha ka Indian Union hadien ka jingïoh latluid ha u snem 1947.
