Shillong, Risaw 31: U Lat ka Jylla ha ka sngi Palei u la ai jingmynjur ban thung ïa u Bah F G Kharshïing IPS (Retd) kum u Mission Director jong ka Drug Reduction Elimination & Action Mission (DREAM) na ka bynta 3 snem ki kam ba un dei ban ai ka jingshakri.
Ïa kane la mynjur ban thung ïa une u heh pulit ka jylla uba la shongthait na ka kam kum u Mission Director ha ryngkat ka jingsiew kaba ïaryngkat bad ka jingsiew kaba khatduh ba la shim lait noh ka Pension ryngkat bad kiwei kiwei ki jingmyntoi katkum ba lah ban pdiang naduh ka tarik ba u shimti ïa ka kam.
Ïa katei la pynbna da u Sampath Kumar u Principal Secretary ka tnat Social Welfare ka Sorkar Jylla ha ka sngi Palei.
