Nongstoiñ, Jylliew 5: Ka KSU West Khasi Hills District Unit ha ryngkat ki nongshong shnong jong ka shnong Mawphanlur ha ka 4 tarik, ka la ïoh ban rakhe ïa ka sngi pynneh pynsah mariang ha ka shnong Mawphanlur, da kaba thung palat 300 ei ei ki tynrai dieng ha katei ka shnong
Hadien ba la dep ban thung dieng ha ki katto katne ki jaka ha katei ka shnong kaba dei ruh ka jaka jngohkai kaba pawnam, la pynlong ïa ka jingialang ha kaba la pyniaid da u samla Pynkhrawbor L. Mawnai Environment Secretary KSU West Khasi Hills District Unit. Nangta la ioh ban ai jingkren lyngkot na u Sordar Shnong Mawphanlur, Samla Jibarpaul Thabah President Mawthadraishan Circle, Samla Franklinroy Syiemiong General Secretary KSU West Khasi Hills District Unit bad Samla John Milton Wahlang Vice President KSU West Khasi Hills District Unit.
