Shillong, Jylliew, 04: Ka All India Congress Committee (AITC) Meghalaya ha ka sngi Saitjaiñ ka la sangah tyngeh ïa ka Sorkar MDA hapoh ka jingïalam jong u Conrad Kongkal Sangma halor ka jingjot rathai jong ki surok hapoh ka Constituency ka jong u.
Ka surok kaba poi sha GHADC, ka surok kaba la jot haduh katta katta kaba la pynlong ïa ki samla pule jong ka Tura Govt College ban maramot hi.
Mynta ka sngi ka AITC Meghalaya ka la pathai lyngba ka Tweeter ïa ki dur kiba pyni ïa ki dur jong ki samla pule ha ryngkat ka Uniform kiba la pyndap ïa ka khyndew ha surok ha ka Constituency jong u Myntri Rangbah.
Lyngba u kyrwoh ha ka Tweeter ba la phah sha ka Sorkar MDA, ka AITC ka la ong, “ka surok District Council ha Constituency jong u Myntri Rangbah kaba poi sha ophis treikam jong ka GHADC ka la jot. Namar ka jingbym don mano mano ruh ba ïohi khmat, ki samla pule jong ka Tura Govt College ki la maramot hi da lade. Kane ka kam kaba khia. Hynrei kaba kham pyndiaw shuh shuh ka long ba ka Sorkar kam shym la kheiñ snep ïa ka jingsngew jong ki paidbah.”
Ki surok ha rilum Garo na ka por sha ka por sha ka por ki ju long tang ki mat ïakren halor ka jingjot bad ka jingduna ki surok bad kaba kham sngewtynnat ban tip ka long ba wat ïa ka surok ha ka Constituency jong u Myntri Rangbah ruh ym shym la maramot satia.
Ïa u kyrwoh ba la phah lyngba ka Tweeter ka AITC ka la pynsaphriang ha ka Social Media ha kaba ki paidbah ki la pynpaw ka jinglyngngoh haduh katta katta da kaba ong ruh ba ka long ka jinglehrain ïa ka sorkar.
“U Myntri Rangbah Conrad Sangma bad ka Sokar jong u ki la shah kynthoh haban da biang halor ki jingkynnoh donkti bamsap, halor ka jingshna torti, ka jingbym donkam jam,” ong ka AITC.
“Kine ki dur kiba thymmai na rilum Garo kin nang kham pynsniew shuh shuh ïa ka jylla ka ban sa leit sha ka ilekshon ha kaba ka AITC Meghalaya ka la ïoh ka kabu kaba biang ban khyrwit ïa ka sorkar shwa ka elekshon ka ban sa long ha u snem 2023 ha Meghalaya,” ong kynthoh ka AITC.
