Shillong, Jylliew 4 : Ka jingwan beh ka lyer slap na ki bynta ba shathie jongka ri India mynta ka la poi sha kylleng ki jylla kane ka thaiñ bad na kane ka daw ka IMD ka la ïathuhlypa ba yn dang bteng ban slap ha kane ka thaiñ shatei lam mihngi bad ha kane ka jylla Meghalaya haduh 7 tarik Jylliew 2022.
La ïathuh ruh da ka IMD ba kane ka lyer slap ka la dang ïaid lynti sha kiwei kiwei ki jaka ruh kum sha Sikkim, West Bengal, East Uttar Pradesh, Nagaland, Bihar bad kiwei kiwei ki jylla.
Kat haduh mynta ka sngi ka Mawsynram ka dang bat ïa ka nam ba jur slap tam namar ka jinghap slap ha katei ka thaiñ ka long ha ki (mm) 211.6, Sohra 206.2, Sohra RKM 208, Khliehriat 200, Mawkyrwat 118, Mawphlang 96.7, Baghmara 17, Jowai 160, Shillong 45, Ragara 22.5. Shella 145 bad Barapani 34.6 mm.
