Palat 90 tylli ki ri, 26 tylli ki Jylla/UT nalor ki tnad sorkar kin iashim bynta ha World Food India 2024

New Delhi, Nailur 18 : Ka Tnat Food Processing Industries ka la pynkhreh ban pynlong ïa ka World Food India 2024 ha Bharat Mandapam, New Delhi ba kynthup ka jaka kaba heh 70,000 square meter.
Ha kane ka prokram kaba heh bha ban sdang naduh ka 19 -22 tarik Nailur, 2024 yn sakhi ka jingïashim bynta na palat 60 tylli ki ri, 26 tylli ki jylla bad union territories jong ka ri, bad 18 tylli ki Tnat sorkarpdeng bad ki kynhun sorkar. Kane ka prokram kalong ka jingïasohlang ka jingsaindur thymmai, ka teknoloji, bad ka jingïaineh ha ka kam shna jingbam.
Satang shi sngi ban sdang ka World Food India 2024, ka Tnat Food Processing Industries (MoFPI) ka la pyndep ia ki jingpynkhreh ban wanrah ka jingshem kaba kyrpang ia ki nongiashim bynta na ka ri bad nabar ri.
Kane ka prokram kaba mynta u snem kan long ka prokram kaba sah jingkynmaw, ka ban pyni ïa ka bynta jong ka India kum ka bor kaba dang kiew ha ka pyrthei ha ka kam shna jingbam.
Ïa kane ka prokram yn pliepaidbah da u Prahlad Joshi, Myntri Sorkar Pdeng ba dei khmih ïa ka Tnat Consumer Affairs, Food and Public Distribution & New and Renewable Energy; uChiragPaswan, Myntri Sorkar pdeng, Tnat Food Processing Industries, badRavneet Singh Bittu, Myntri Khynnah, Tnat Food Processing Industries bad Myntri ka Tnat Rel.
U ChiragPaswanbad u Ravneet Singh Bittu kin pynlong ruh ïa ki jingïamir jingmut bad ki nongïalam ha ki kam karkhana bad yn don ki jingïalang G2G bad ki Myntri bad ki delelgatenabar ri.
U Myntri ba dei khmih ïa ka Tnat Food Processing Industries, ChiragPaswan un ai jingkren ha ka jingïalang ha kane ka prokram ha kaba un ai jingkren shaphang ki sienjam jong ka sorkar bad ki jingthmu ban wan na ka bynta ka jingkiew shaphrang bad jingkyntiew ïa ka kam shna jingbam ha India.
Kan don ruh ka CEO roundtable ha ka sngi ba nyngkong jong ka jingïalang ka ban pynïaid lang da u PiyushGoyal, Myntri Sorkar Pdeng, Tnat Commerce & Industry, bad u ChiragPaswan. U Ravneet Singh Bitturuh un ai jingkren ha ka CEO roundtable.
Shuh shuh, ha ka Reverse Buyer Seller Meet ban pynlong da ka APEDA, MPEDA, bad ki commodity board, yn sakhi ka jingïashim bynta palat 1000 ngut ki nongthied. Ka bynta kaba ar jong ka Global Food Regulators Summit ba la pynlong da ka FSSAI la pynlong ha ka jingïasohlang bad kaWorld Food India naduh ka 20-21 tarik Nailur, 2024.
Ka Japan kan long ka ri kaba ïatreilang na ka bynta ka World Food India 2024. Ka Vietnam bad Iran kin ïashim bynta kum ki riba peit bniah.
Ha kane ka prokram yn don palat 40 tylli ki session, kynthup ki jingïamir jingmut ba ïadei bad ki phang, ki jingïalang ba peit bniah ïa ki ri bad ki jylla. Shuh shuh, yn pynlong ïa ki jingïamir jingmut bad 100 tylli ki CXO jong ki kompani ba pynmih jingbam na kylleng ka pyrthei.
Ka jingialang plie paidbah kan long kaba ai mynsiem, kaba pyniasoh lang ia ki nongthaw polisi, ki kynrem ki lyndan na kiwei kiwei ki ri, ki nongialam ha kane ka kam bad ki riewshemphang. Yn pynlong ia ki exhibition ha ki hall bapher bapher ban pyni ia ki bynta jong ki kam pynmih jingbam, ki jaka kyrpang ia ki tnad Sorkar Pdeng bad Sorkar Jylla, bad ka jaka kyrpang na ka bynta ki jingbam jong ki jingri.
Ka Hall ba 14 kan pyni ia ki sienjam jong ka Tnat Food Processing Industries bad ki sienjam bad ki jingsaindur thymmai jong ki start-up ha ka MoFPI pavilion. Shuh shuh, kan don ka Technology Pavilion ka ban pyni ia ki jingsaindur thymmai ha ka kam shna jingbam da kaba pyndonkam da ki kor. Kan don ka bynta ka ban pyni ia ki jingkiew shaphrang ba dang shen ha ki kor, ki jingsong bad ki jingpynbiang jingbam.
Ban pyniar ia ka jingkhring jong ka bynta ka World Food India 2024, ki nongpyniaid ki la pliepaidbah ia ka Swaad Sutra, ka jingiakopshetjingshetkaba pyni ia ki jingbam na kylleng ka ri.
Ka Tnat Food Processing Industries ka pynkhreh ban pynlong ia ka prokram kaba heh bha ban wanrah ia ki jingiamir jingmut, kyntiew ia ki jingiatreilang ba thymmai bad pyni ia ka jingkiew ka India kum ka nongialam ha ka kam pynmih jingbam ha kylleng ka pyrthei.