Jowai, Nailar 27: Ka West Jaiñtia District Badminton Association (WJDBA) hynnan ka sngi 26 tarik u Nailar kala kitbok kitrwiang ïa ki nongïalehkai Badminton jong ka District, hashwa ba kin mih ban leit ïakhun sha ka lympung 39th State Badminton Championship 2024.
Ïa kane ka lympung ïalehkai Badminton ya pynlong ha SAI Indoor Stadium, NEHU ka ban sdang naduh ka 28 haduh ka 31 tarik mynta u bnai Nailar.
Ha kane ka jingïalang kitbok ïa ki nongïalehkai la pynlong ha Indoor Hall ka Seiñraij Jowai kaba don ha Tpep-Pale, Jowai.
Related Posts
Ki nongïalehkai ka WJDBA ki ban leit mihkhmat ki don haduh 35 ngut (29 ki Shynrang, 6 ngut ki kynthei) lem u Manager bad u Coach, ki ban ïakhun haki kyrdan Under 13, 15, 17, 19 kumjuh ha ki Senior Category.
Kiwei de kiba ai jingkren ki kynthup ïa u President ka seiñ, u ma Dawanroi Pyrbot bad u Secretary ma Rimilan Passah, kiba la ai ka jingsneng jingkhraw ïa ki rangïalehkai ban long kiba minot bad kiba trei shitom ban ïoh ïa ka jingjop na ka bynta ka burom jong ka District hi baroh kawei.
Kila buh ruh ka jingkyntu ïa ki nongïalehkai ba kin don ka mynsiem ïaleh bad ban long kiba tur beit shakhmat haduh ban da ïoh mihkhmat ïa ka jylla kumjuh. Ha kane ka juh ka sngi la aiti sha ki nongïalehkai Badminton da ki Jersey jong ka seng.