Jowai, Jymmang 28: Ki Paitbah nongshong shnong jong ka thaiñ Mowkaiaw bad kiwei ki shnong ba marjan kiba pyndonkam da ka network Jio kila pynpaw ka jingsngewdiaw namar ka jingbymtrei kam bha ka network Jio ha katei ka thaiñ kaba la neh da ki bun sngi mynta.
Kila pynpaw ba kane ka Network jong ka Jio kala thud shaba palat ha kine ki sngi bad kala ktah bha ïa ki kam ki kam jong ki namar la jan baroh ki nongshong shnong ha katei ka thaiñ ki pyndonkam da katei ka Jio Network.
Shuh shuh kitei ki nongshong shnong katei ka thaiñ kila dawa jur na ka Company Jio ba kan shimkhia ïa kane ka kam bad ban pynbiang ïa ka jingshakri sha ki paidbah, kumba long mynta ka jingbteng ka jingthup palat ka Network jong katei ka company kala duh ruh ka jingshañiah na ki paitbah.
