Shillong, Naitung 27: U Pa’iem Freeman Sing Syiem, Syiem ka Hima Sohra ha ka 20 tarik u Naitung, 2024 ha ka jingïadonlang u Secretary, u Bah BV Rymmai, ki Myntri ka Hima, u la pynskhem ïa u Bah Sordron Nongrum kum u Myntri ba thymmai ha ka Hima.
Kum ban shu kdew ba u Bah Sordron un mih bujli ïa ka Kur ha ka Hima Sohra hadien ka jingkhlad noh u Myntri Kodin Nongrum ha u Ïaiong, 2024.
Na ka liang u Bah Sordron ruh kum u Myntri ba thymmai u la pdiang sngewbha ïa ka jaiñspong na u Pa’iem ryngkat ka jingkular ban nym shet kylla ïa u Syiem bad ïa ka Hima baroh kawei.
