SHILLONG, Naitung 08: Kum shibynta ban pynmih fund ïa ka Club na ka liang jong ka Malki SC ka la shim ïa ka rai ban pynlong da ka Penalty Shootout ha ka 12 tarik bad 13 tarik Naitung, 2024 ka ban long ha Madan Malki naduh ka por 10 baje mynstep.
Ha kane ka Penalty Shootout ka klob ka la pynkhreh ïa ka song tyngka kaba 10,000 tyngka naka bynta ki ba jop bad 5000 tyngka ïa kiba poi kyrdan ba ar. Ka bai rung na bynta kane ka jingïakop ka ban long ha ka 12 tarik ka long 400 shi kynhun.
Related Posts
Katba ha ka 13 tarik Naitung yn sam khusnam haduh kiba poi kyrdan ba lai, ha kaba ka song tyngka ïa kiba wan ba nyngkong ka long 12,000 tyngka, ïa kiba wan kyrdan ba ar ka long 5000 bad 3000 tyngka ïa kiba poi kyrdan ba lai, bad ka bai rung ha kane ka sngi ka long 500 shi kynhun.
Ki kynhun ba ïashimbynta ki hap ban don palat 3 ngut shaneng ki player ba shimbynta ha ka ïakop shut penalty, bad lada duna ïa ka 3 ngut ka klob kan nym pdiang ïa ki ban ïashimbynta. Na bynta kito kiba kwah ïashimbynta ha kane ka jingïalehkai ki lah ban pynrung kyrteng lane register ha katei ka sngi ha shwa ka por bala buh.
Nalor ka Penalty Shootout ka klob kan pynbud sa daka Fete ka ban sdang naduh ka por 3 baje janmiet bad ka Bumper jong ka Housie kalong T50,000 haka 12 tarik bad T1,00,000 haka 13 tarik. Naka liang jong ka Malki SC ka pynshlur bad ïawer ïaki kynhun ban wan ïashimbynta sha kane ka Penalty Shootout ha ka 12 bad 13 tarik mynta u Naitung ha madan Malki.