Shillong, Naitung 08: Ki jingïalehkai ka lympung Shillong Sports Association Fourth Division 2024 ba la long hynne ka Lah Sngi U Blei ha Polo, la sakhi ïa baroh ar tylli ki jingïakhun kiba la kut ha ka jingïakhaid.
Haba phai sha ka jinïalehkai kaba la long ha SSA Ground, ka Lumkseh SC ka la ïakhaid da mar shi kol bad ka Nongkohlew SC.
Related Posts
Ha ka jingïalehkai dei ka Nongkohlew SC kaba la lamkhmat nyngkong lyngba ka shi kol na u Shain Mujai ha ka 39 minit, hynrei kane kam shym la neh slem naba ka Lumkseh SC ka la pynïakhaid noh ha ka 53 minit lyngba u Pynkhlainstar Nongbri.
Katba ka jingïalehkai ha MFA Turf, ka Pommura SC bad ka Lummawbah SC ki la ïoh ban ïasam mar shi point hadien ba ïakhaid khlem da don mano mano ba lah ban pynkhihjar.
Mynta ka sngi kin don ar tylli ki jingïalehkai ban pynlong ha kajuh ka por, kata 4 baje nohphaisngim, kawei ha SSA Ground, ha kaba ka Risa Colony SC kan ïakhun pyrshah ïa ka Laitumkhrah SC. Nangta kaba ar ha MFA Turf, ka jingïakhun hapdeng ka Mawkasiang SC pyrshah ïa ka Mawphlang SC.