Pynsangeh noh ka ECI ia ki WhatsApp message ka VBS
![](https://mawphor.com/wp-content/uploads/2022/05/mawphor-1-2.jpg)
Shillong, Lber 21: Ka Election Commission of India (ECI) ha ka sngi Palei, ka la bthah ïa ka sorkar Pdeng ba kan pynsangeh noh ïa ka jingphah message jong ka “Viksit Bharat Sampark” (VBS), ha ka whatsapp, kiba batai ïa ki prokram ka Sorkar Pdeng.
Ka Commission ka la ai ka jingbthah sha ka Ministry of Electronics and Information Technology hadien ba ka ïoh pdiang ïa ki jingujor pyrshah ïa kane ka kam.
“Kane ka sienjam ka dei shibynta jong ki rai ba la shim da ka Commission ban pynthikna ïa ka ilekshon kaba khuid bad bym shah liang,” ong ka Commission kaba la pan ruh ïa ka kaiphod pyntreikam na ka Ministry halor kane ka kam.
Ka ECI kala ïoh pdiang ïa shibun ki jingujor ba ka Sorkar Pdeng ka dang pynbteng ban phah ïa ki message ha ki phone jong ki paid nongshong shnong ka ri wat hadien ka jingpynbna ïa ka ilekshon Lok Sabha 2024 bad ka jingtreikam jong ka Model Code of Conduct.