Shillong, Jymmang, 20: Ka MSME Export Promotion Council (MSME-EPC) ha ka sngi Thohdieng ka la khot bad wer ïa ki riewshimet kiba dei ki nongshong shnong jong ka jylla Meghalaya kiba kwah ban ieng ha la ki jong ki kjat da kaba seng kam lajong ban wan shakhmat na ka bynta ban ai jingïarap ha kiba bun ki liang.
Ha ka jingïakren bad ki lad pathai khubor ha ka sngi Thohdieng, u Chairman jong ka MSME-EPC u Dr. DS Rawat ha ryngkat ka jingïadonlang jong u MLA ka Pynthorumkhrah Constituency u Bah AL Hek u la ïathuh ba ka MSME ka angnud ban ïarap ïa ki nongshong shnong jong kane ka jylla ha kaba ïadei bad ka sengkam sengjam da kaba pynlong ïa ki jingai jinghikai bad ban plie lynti ruh kumno ban ïoh ïa ki skhim ba la mang kyrpang da ka Sorkar pdeng na ka bynta ki samla ki bym donkam donjam.
