ki pasoh na ka mang tyngka 2024-’25
![](https://mawphor.com/wp-content/uploads/2024/01/money.jpg)
l La mang ba ka jingmih kan long 23,545 Klur Tyngka. Ka jingpynlut pat 25,574 klur. Kaba mut ka Mang tyngka ka duna 2,029 klur.
l Ka thong jong ka mang tyngka ka long ban poi sha ka 10 US Dollar Economy ha u snem 2028 ne kata ka ïoh ka kot kaba 10 Billion Dollar ha u snem 2028.
l Ka mang tyngka thong ruh ban pynmih kam ne ai jam ïa kumba 5 lak ngut ki briew hapoh u snem 2028.
l La mang ban pynlut 1200 klur na ka bynta ka New Shillong, ha kaba yn tei ïa ka Administrative Complex kaba kynthup lang ïa ka Secretariat ba thymmai, ki ophis jong ki Directorate. La mang 550 klur na ka bynta kane. Kan don ruh ka Unity Mall kaba 220 klur. Ka jaka treikam jong ki Pulit ryngkat ki jaka ïalehkai Sports bad kiwei kiwei de.
l Lyngba ka State Electric Vehicle Policy 2021, yn pynïaid 100 tylli ki Electric Bus ha Shillong bad Tura. Yn shna ruh 1250 tylli ki jaka pynïeng kali ha Shillong, 100 tylli ha Jowai bad 150 tylli ha Tura ha ka jinglut kaba 150 klur.
l Yn tei sa ïa ka Second Phase jong ka Shillong Tech Park ha ka jinglut kaba 121 klur ka ban ai kam kumba 20 hajar ngut ki briew. Yn tei ruh ïa ka Tura Tech Park ha ka jinglut kaba 127 klur.
l Yn tei Meghalayan Age Experimental Centre ha Mawmluh, Sohra ha ka jinglut kaba 150 klur.
l Pynpoi um sha Shillong lyngba ka New Shillong Water Supply Scheme kaba la mang ban pynlut 1,650 klur ban shna lyngba ki ar tylli ki Stage ha Wah Umkhen.