Jowai, Jymmang 18: Ka Khasi Student Union (KSU) kala pynkha sa kawei ka shnat treikam kaba la tip kum ka KSU Larnai Unit, West Jaiñtia Hills District, kaba hap hapoh ka jingpeit jong ka KSU Jowai Circle.
ïa ka jingïalang pyntiansmai la pynïaid da u samla Lenningard Tariang (General Secy KSU West Jaiñtia Hills District Unit). Ha kane ka jingïalang la ïoh ïa ki jingkren lyngkot na ki nongïalam ba hakhmat ka seng.
Hadien kane ka jingkren lyngkot la pyntian smai ïa ki Samla ka KSU Larnai Unit da u Samla Shinningstar Kharbihkhiew (Asst. Education Secy KSU Sengkmie). La aiti ruh ïa ka Constitution/Letter head sha u secretary ka KSU Larnai Unit da u Samla Jerimaya Laloo (EC Member KSU WJHDU). Pynkut ka kyrwoh na samla Morning Star Pasi Publicity Secretary KSU Jowai Circle.
