Jowai, Jymmang 18 : Ka Dorbar Shnong Namdong-A West Jaiñtia Hills District ha kane ka 16 tarik u Jymmang 2022, kala pynkup burom ïa u Alexander Lyngdoh uba la ïoh rah ïa ka nam lahduh ha ka State Level Arm Wresling Championship 2022 kaba la long ha KJP Assembly Hall IGP New Hope Resturant Shillong, uba dei u samla ba ïaleh arm wrestling na ka Shnong Namdong-A uba la ïoh rah ïa ka kyrdan ba nyngkong ha ka jingïakhun kti ba 70kg Class. U Alexander Lyngdoh udei u samla na ka Shnong Namdong-0A uba don ka jingduna namar ba um lah ban kren naduh ka por ba u dangrit bad u long ruh u samla bym don kmie don kpa shuh hynrei la ri bad sumar ïa u da i meiduh jong u bad mynta ula trei bylla mistri bad ki paralok jong u ha Jowai.
Ha kane ka sngi la ïadonlang u MDC ka Mynsngat Khanduli Constituency u ma Dawan Lyngdoh, u pa Dolloi ka Elaka Nongjngi ki waheh ka Raij Namdong u Waheh Shnong Namdong-A ryngkat ka jingïadonlang ki paidbah nongshong Shnong. Ka Dorbar Shnong ryngkat bad u MDC ki la ïarap da ka song pisa sha u Alexander Lyngdoh ha katei ka sngi. Ha ka juh ka por kila ai ka jingkitbok ïa u na ka bynta ka jingleit ïakhun biang jong u ha ka National Level ha Hyderabad naduh ka ka 30 tarik May haduh ka 6 tarik June, 2022.