Shillong, Naiwieng: Ka Dorbar u Syiem Hima Mylliem, Mawkhar, Shillong lyngba u Syiem ka Hima Mylliem da kane ka pyntip ba ka jingleh niam ha Iewduh, Raid Mylliem, Hima Myllien kan long ha ka 21 tarik mynta u bnai, ka sngi iew Rynghep ka ban sdang naduh ka por 9 baje mynstep na Basa Diengkain (Khlieh Iewduh) haduh ban da pyndep kam ha Basa Kwai.
Ha katei ka sngi lehniam kan don ruh ka jingkhang khyrdep kyrpang ïa ka ïewduh ha katei ka sngi khnang ba ki nongshong ïew shonghar kin ïoh ban sakhi lang ïa kane ka jingleh niam.
Nalor kata ha kane ka sngi kan don ruh ka shad ka kmen ha Basa Kwai hadien jong ka jingleh niam.Kumta la khot bad wer sngewbha ïa baroh sha kane ka jingleh niam.