Kurup ki shipai BSF ïa ki dawai bad jaiñ Sari na khappud
![](https://mawphor.com/wp-content/uploads/2022/05/mawphor-1.jpg)
Shillong, Risaw, 07: Ki shipai BSF kiba ap pahara ha khappud ka jylla Meghalaya, ha ka sngi Thohdieng ki la ïoh kurup ïa ki dawai bad ïa ki jaiñ sari kiba shongdor palat T. 17 lak katba ki runar ki dang thmu ban shalan be-aiñ sha ka ri Bangladesh.
Ki shipai BSF jong ka 172 Battalion kiba la ïoh jingtip na ki tnat syntiat, mar mar ki la pynlong ka jingpynap shrip ha khappud jong ka Hingaria East Jaiñtia Hills District ha kaba ki la ïoh kurup ïa ki dawai ba la buhrieh ha khappud ïa kiba la thmu ban shalan be-aiñ sha ka ri Bangladesh.
Ki shipai BSF ki la ïoh kurup ruh ïa ki jaiñ Sari katba ki runar ki dang shalan be-aiñ sha Bangladesh na khappud. Ïa kine ki mar ba la ïoh kurup la aiti noh sha ka ophis Custom ban leh ïa kaba donkam katkum ki kyndon jong ka aiñ.
Ha kawei pat ka jingpynap shrip, ki shipai BSF jong ka 4th Battalion Meghalaya, ki la ïoh kurup ïa ki jaiñ Sari na khappud jong ka East Khasi Hills, Meghalaya, ïa kiba la thmu ban khaïi be-aiñ sha ka ri Bangladesh.