Shillong, Risaw 02: Ki Pulit mynta ka sngi ki la leit ban kem ïa 2 ngut ki snar nongtuh kiba sah wai ha kawei ka ïing kaba don ha Jhalupara.
La ïathuh ba kine 2 ngut ki nongtuh ki la ju myllien ban tuh na kylleng ka sor Shillong bad kane ka jingshah kem jong ki ka dei hadien ba ki la tuh na Oxford Laban.
La ïathuh ba kine ki arngut ki la tuh ksiar bad palat T. 45 hajar ka pisa na kawei ka longïing.
Haba ïadei bad kane na ka liang ki Pulit ki dang pynlong ka jingtohkit bad talasi ïa ki kamra ha ka ïing ba dei trai da u Akhil Ahmed kaba don ha Jhalupara.
