Shillong, Jymmang 09: Ka Dr APJ Abdul Kalam Centre for Policy Research and Analysis jong ka IIM Shillong, da ka jingkyrshan ka North Eastern Council, ka la pynlong ïa ka jingïatai ba arsngi halor ka phang ‘Developing a Framework for Seamless Tourist Movements to North Eastern States of India’, ha ka 9 bad 10 tarik mynta u bnai.
Kane ka jingïatai ne ïaphylliew jingmut ka la sdang mynta ka sngi ha IIM Shillong, ha Umsawli Campus. Kane ka jingïa phylliew jingmut ka lon shi bynta ban rakhe ïa ka Azadi ka Amrit Mahotsav, lane ka jingdap 75 snem ka jinglaitluid ka ri India.
Ïa kane ka prokram la plie da u K. Moses Chalai, IAS, Secretary, the North Eastern Council, Govt. of India, uba long u kongsan, ryngkat ka jingïadonlang u Prof DP Goyal, Director IIM Shillong, u Dr. Sanjeev K Ningombam, Centre Coordinator jong ka APJ Abdul Kalam Centre bad kiwei kiwei.
