Shillong, Jymmang :U Sr. Supdt. of Post Office Meghalaya Division, Shillong, da kane u pyntip ba yn pynlong ïa ka Divisional Level “Dak Adalat” hapoh ka ophis jong u ha ka 19 tarik mynta u bnai ha ka por 11:30 mynstep.
Ha kane ka Dak Adalat yn pynsngap pynsngew halor ki jingeh ki ba ïadei bad ka jingai jingshakri lyngba ka postal.ïa ki jingujor ki ba ïadei bad kane ka bynta dei ban phah lyngba ka ordinary post lane speed post ha ryngkat ka sobjek “Dak Adalat” bala thoh halor bad ban address ne thoh sha u Sr. Supdt. Of Post Office, Meghalaya Division, Shillong, 793001.
Ki jingujor ki dei ban phah ïa ki address ki ba bniah bad ki registration receipt number. Ha ka ba ïadei bad ka jingujor halor ki Saving scheme bad Postal Life Insurance, donkam ïa u account number, Policy number bad ka address ba pura jong ki nong kynshew pisa lane ki ba leh ia ki insurance.
ïa kine ki jingujor dei ban phah sha katei ka ophis ha lane shwa ka 18.05.2022. Ki jingujor ki ba wan poi hadien kane yn shim lyngba ki sienjam ki ba ju leh bad pyndep.
