Jowai, Jymmang 09: Ka West Jaiñtia Hills Wushu Association (WJHWA) kala ïoh khur haduh 3 tylli ki takma ksiar, 2 tylli ki takma Rupa bad 6 tylli ki takma Rnong ha ka lynpung ïaleh kai ‘4th Meghalaya Games -2022’ kaba la sdang naduh ka 2 tarik bad pynkut haka 4 tarik Jymmang, 2022.
La ïathuh ba ki nongjop ha kane ka lynpung ki long i Obadaia kelphung – Gold, Five Start Bareh– Gold, Donboklang Nongrum – Gold, Juh Pa u Juh Nongtdu – Silver, Satisfy Syngkon – Silver, Hamedabiang Mukhim – Bronze, Bankhrawnam Ryndong – Bronze, Riva Kyndait – Bronze, Phiba shisha Kurbah – Bronze, Rijanai Ryndong – Bronze, Kyrchanlang Dkhar – Bronze.
Ïa kine ki rang ïa kura la ïalam khmat da u Sambormi Lyngdoh uba dei u President jong ka West Jaiñtia Hills Wushu Association ha ryngkat ki 3 ngut ki Official jong kane Association i Niawki Ïakai, u Nangaibormi Sutnga bad u Ferdinand Suchiang
Naka liang ka West Jaiñtia Hills Wushu Association kala ai khublei ïa baroh ki nongïakura kiba mihkhmat napoh ka District halor ka jingtrei shitom jong ki bad naka liang ka seng ka kitbok kitrwiang ïaki player baroh ba kin nangkiew shakhmat ha ki kam ïalehkai ym tang ha ka State Level hynrei wat haduh ka National Level bad ka International Level.
