District League T20: Pynliem ka Mawryngkneng ïa ka Marbisu, ïakhaid ka Mawlong CC- Friends United (Sohra)

Shillong, Jymmang 09: Ka Mawryngkneng CC kala pynliem da 5 wicket pyrshah ïa ka Marbisu CC ha ka lympung ïalehkai District League T20 League Cricket ba pynïaid da ka East Khasi Hills Cricket Association ha ka jingïalehkai ha ka sngi Nyngkong ha madan Mawryngkneng.
Katba ka Mawlong CC bad ka Friends United (Sohra) kila ïakhaid noh.
Ha ka jingïakhun kaba nyngkong hapdeng ka Mawryngkneng CC bad Marbisu CC, ka Marbisu CC kaba la jop ïa ka jingkynting pisa kala kam ban tied nyngkong bad buh ïa ka thong ba 97 ron ha ka jingduh noh baroh ki wicket ha ki 14 over. U Social born Kurbah u kamai bun ron da 25 ron na ki 23 bol. Katba u Nangshai Nongpluh jong ka Mawryngkneng CC u khur marwei haduh 6 wicket bad ai kamai 18 ron ha ki 4 over.
Haba wan beh ïa katei ka ron, ka Mawryngkneng kala pyndep da 98 ron bad duh noh da 5 wicket tang ba ki 13.3 Over. U Apsharai Mawthoh u kamai 23 ron na ki 31 bol bad u Bashemphang Kurbah u ïoh 2 wicket ai kamai 13 ron na ki 2 Over. Ïa ka nam Player of the match la ïoh da u Nangshai Nongpluh
Ha ka jingïalehkai kaba ar, ka Friends United kaba la jop ïa ka jingkynting pisa kala kam ban kawang bol nyngkong ha kaba ka Mawlong CC kaba la wan ban tied nyngkong ka kamai 126 duh noh 8 wicket ha baroh ki 20 over. Ki arngut ki rangtied kiba kamai bun ron ki long u Banteilang Kharbamon u kamai 29 ron na ki 29 bol bad u Kyrsoi Kharbamon u kamai 28 ron na ki 31 ron, katba u Nangkiew Don u ïoh 2 wicket ai kamai 13 ron ha ki 4 over.
Ka Friends United (Sohra) kaba la wan ban beh ïa katei ka ron kala lah ban pynïakhaid da kaba kamai 126 bad duh noh 8 ha ki 20. U Kitdor Majaw u kamai 45 ron na ki 60 bol bad u Paia Nongkynrih 31 ron na ki 24 bol katba u Ritchie Diengdoh jong ka Mawlong CC u khur 3 wicket ai kamai 14 ron ha ki 4 Over.
Ïa ka nam Player ot the match la ïoh da u Paia Nongkynrih