Dawa ïa ka sorkar MDA ban pyntreikam kam noh ïaka ‘State Youth Policy 2021’

Jowai, Jymmang 08: Ka Jaiñtia Student Union (JSU) Syndai Unit ha rygkat ki dkhot ka JSU Shillong Circle hynnin ka sngi kila leit bad pynkup burom kyrpang ïa ka samla Evangel Pohplet, ha ka ïing jong ka ha Shillong kaba la leit mih khmat ïa ka jylla Meghalaya ha ka 3rd National K-1 Championship haka jylla Rajasthan ka lympung kaba hehduh jong ka ri India bad kane ka samla kala ïoh ban rah ïa ka nam lahduh.
Na ka liang u President samla Pynshailang Suliang ula ban jur ïaka sorkar jylla ba kadei ban ithuh ïaki rang bad ki thei lehkai ka jylla kiba mih khmat ïaka jylla ha ki lympung baheh bad ka sorkar kadei ban ai jingïarap ïaki ba kin lah ban nang pyntbit shuh shuh haki kam ïalehkai ka jong ki.
Ula ong ruh ka sorkar jylla haduh mynta ka shu shna kai ïa ka State Youth Policy kaba khlem wanrah jingmyntoi ïa ki khun samla kiba don sap ka jylla hynrei kaba lyngngoh pat ka sorkar jylla haduh mynta ka shu leh mynthi bad kam pat pyntreikam ïakane ka policy kaba lah dep ban pass ha ka cabinet naduh u snem ba lah dep u 2021.
Kumta ka seng ka dawa mardor na ka sorkar jylla hapoh ka jingïalam u Myntri Rangbah u Conrad K. Sangma ba u dei ban shim khia ïa bad pyntrei kam mardor ka ‘State Youth Policy 2021’ khnang ba ki khun samla kiba wanrah nam bad burom ïaka jylla kin ïoh noh daka scolarship kum ba lah mang kyrpang na bynta jong ki.