Ngim pat kynran dien ban dawa ïaka ILP ban ïada ïaki trai ri trai muluk

Nongpoh Jymmang 08: Ki nongïalam ka Federation of Khasi Jaiñtia and Garo People (FKJGP) North Khasi Hills District haka sngi thohdieng kila hiar sha ka thaiñ Sonidan jong ka Mawhati naka bynta ban pynskhem ïaki nongkitkam ba thymmai jong ka Sonidan Circle jong u snem 2022-25 hadien bala kut ka samoi treikam jong ki nongkitkam barim ban pynkhlaiñ ïaka jingtreikam jong ka seng khamtam ha katei ka thaiñ kaba dang don shibun ki jingsahdien.
Ha katei ka jingpynskhem ïaki nongkitkam ba thymmai ka Sonidan Circle la wan ban don lang da u Bah Lui Lyngdoh President, North Khasi Hill District, Bah Lumlang Mawnai Senior Vice President, Samla Shanlang Diengdoh General Secretary, North Khasi Hill District, Gabriel Sunn Educa tion Secretary, Bah Banroy Wahlang Asst. Information Secretary bad kiwei kiwei.
Ki nongkitkam ba thymmai jong ka FKJGP Sonidan Circle naka bynta ka samoi treikam jong u snem 2022-25 ki kynthup ïa u Samla Edming Lymphuid kum u President, Vice President- Banjop Sakra, General Secretary – Hilarius Mujai, Assistant Secretary-Hephar Umbah, Organizing Secretary – Phyrnaibor Khym deit, Education Secretary-Kyrshan Langi, Finance Secre tary- Kularskhem Shangrang, Publicity Secretary- Rapil Markhap, Sports Secretary- Rocky Nongshli, Environment Secretary- S Langi lem bad 3 ngut ki dkhot ka EC bala pynskhem da u Bah Luistar Lyngdoh President ka North Khasi Hills District.
Haba kren ha katei ka sngi naka liang u Bah Lui Lyngdoh hadien ka jingpynskhem u la pynpaw ka jingsngewkmen ba ka mynsiem ieid ri haki khun samla ka dang rhem katba dangmih ki sngi, bad kum ka seng ka dang don ka jingangnud ban dang pyniar bad pynkhlaiñ ïaka jingtreikam sha man la ki jaka khamtam ki khappud ba ki dkhot kin long kiba peitngor naka jingwanrung kyrthlep jong ki mynder khamtam u pud u sam bad khamtam ban peit ïaka eh ka shong jong ki paidbah kumba ka Mawhati kadei kawei naki konstituensi kaba dang sahdien bad sah shrah ha Ri-Bhoi.
U la kyntu ruh ïa kitei ki nongkitkam ba thymmai ha katei ka sngi ba kin long ki shipai kiba don ka jingkitkhlieh naka bynta ka jaitbynriew, ban ïada ïala ki paradoh para snam naka jingshah thombor haki nongwei bad khamtam ban khanglad ïaka jingwan rung khyrthlep jong ki mynder kum ka seng haduh mynta kam pat kynran dien ban dawa ïaka ILP haka jylla naka bynta ban ïada ïaki trai ri trai muluk naka jingshah wan buhai shnong haki nongwei nonghap.