Jowai, Nailur 15: Ka jingïalehkai phutbol bala tip kum ka 6th Debo Shullai Memorial Trophy jong ka kyrdan 2nd Division Football Tournament 2023 bala pynïaid da ka West Jaiñtia District Sports Association (WJDSA) kaba la long ha madan Kiang Nangbah Stadium, Dongmihsngi Jowai.
Haba phai sha ka jingïakhun ‘Quarter Final’ mynta ka sngi ka Chutwakhu kala lah ban pynliem da 5-4 kol ïa ka Maitshaphrang Mowtyrchiah lyngba ka jingïashut (Tie Breaker), hadien ka jingïakhaid khlem da don kiba thep kol haka por jong ka jingïakhun.
Lyngba kane ka jingjop ka Chutwakhu kala ïoh ban rung sha ka jingïakhun Semi Final jong kane ka lympung.
La pyntip ba ka jingïakhun ‘Quarter Final’ ba khadduh lashai ka sngi 16.09.2023 kan long hapdeng ka Lumpariat pyrshah ïaka Mooknor Thadmuthlon.
