Shillong, Jymmang 05: Ka Jylla mynta kala kiew biang sha ka 8 ngut ha ka jingdon jong ki briew ba dang pang Covid-19 ne ki active case.
Kane ka jingpang kala rung biang ha ki lai tylli ki District ka Jylla kiba kynthup ïa ka East Khasi Hills kaba don 3 ngut ki Nongpang, ka Ri-Bhoi kaba don 4 ngut bad ka West Garo Hills-1.
Ha kine ki arphew saw kynta bala leit noh, 5 ngut ki briew kila ïabit thymmai ïa ka jingpang bad kiba koit ki don 2 ngut.Ka jingdon jong kiba ïap haduh mynta kala kot 1593 ngut.
Haduh 93805 ngut ki briew kila ïabit ïa kane ka jingpang ha kine ki laisnem mynta hynrei haduh 92204 ngut kila ïoh pat ïa ka jingkoit.
