Amlarem, Jymmang 05: Ka Sub-Divisional Officer (Supply) jong ka Amlarem Sub–Division ka la pynbna paidbah ba ïa u Khaw u ba hap hapoh ka PMGKAY Scheme na ka bynta u bnai May, 2022 la pyllait sha baroh ki long ïing kiba hap hapoh ka NFSA (AAY bad PHH) naduh ka 5 tarik jong u bnai May 2022 haduh ka 15 tarik u bnai May, 2022.
Ïa utei u khaw yn sam katkum kine ki kyndon harum na ka bynta u khaw AAY kan long mar 5 kilo shi khlieh, ym donkam siew pisa, katba ïa u khaw PHH yn sam mar 5 kilo shi khlieh ym donkam siew pisa.
Lada don kino kino kiba shim da ka pisa ne ki bym ïoh ïa ki tei ki mar jong ki, ki lah ban ujor sha ka ophis jong ka S.D.O, (Supply) da ka ba thoh shai ïa ka kyrteng bad ka shnong jong ki khnang ba yn lah ban pynshitom ïa ki. Ha ka juh ka por ki paidbah ki lah ban ujor ha kine ki Number harum. Sub-Inspectors – 8414806738/9436110184/8731025753 Email: sdo_amlarem@outlook.com.
