Jowai, Jymmang 05: Ka lympung ïalehkai ‘2nd U Adelbert Laloo Memorial Trophy’ jong ka kyrdan 3rd Division ba la pynïaid da ka West Jaiñtia District Sports Association kaba la long mynta ka sngi 5 tarik u Jymmang ha madan Kiang Nangbah Stadium Jowai.
Ha ka jingïakhun ba nyngkong ka kynhun ïalehkai jong ka Madankynsaw Mookyndeng kala lah ban pynliem ïa ka Lumbhahdakha Wahiajer da 2-1 kol. Ïa ki kol na ka Madankynsaw Mookyndeng la thep da u Ferdinand Sayoo bad u Dangri Phawa. Katba ïa ka shikol na ka Lum-bhahdakha Wahiajer la thep da u Gideon Mukhim.
Ha ka jingïakhun kaba ar ka kynhun ïalehkai jong ka Mookyrdup bad ka Madan Thadmuthlong kila ïakhait da marshi kol 1-1 tad haduh ba kut jong ka por ïakhun, ïa ka kol ba nyngkong la theh da ka Mookyrdup da u Nicky boy Swer. Hynrei na ka liang ka Madan Thadmuthlong kala lah ban pynphai kylla ïa katei ka shikol da u lyngba u Pynïaid Tang. Hadien kane la hap ban pynïakhun noh da ka jingïashut Tie breaker, ha kabe ka kynhun Mookyrdup kala lah ban pynliem da 6-5 kol.
