Shillong, Jylliew 14 : Ka sorkar ha ka jingpynbna ba ka la pynmih ha ka 13 tarik Jylliew 2023 ka la thung ïa ki dkhot jongka Search Committee ba kynthup ïa u Chief Secretary bah D.P Wahlang kum u Chairman, Kong Ripnar Lyngdoh Commissioner Secretary Personel and AR Department bad bah CVD Diengdoh Secretary Law Department kum ki dkhot.
ïa kane ka Search Committee ba la pynskhem da u Lat ka jylla la ai por shibnai naduh ka sngi ba pynmih ïa kane ka jingpynbna ban jied bad phah ïa ki kyrteng sha ka sorkar na ka bynta ban jied pat ïa ki dkhot ba san ngut jongka Expert Committee ka ban shong bishar bniah ïa ka Reservation Policy 1972.
