Jop ka Rangdajied United FC ha ka Semi-Final jong ka MSL ha Mawkyrwat Zone

Mawkyrwat, Jylliew, 13: Ka Rangdajied United Football Club hadien ba ka la pynliem noh ïa ka Shillong Lajong FC da 4 – 3 kol ki la ïa shad kmen ha ka lumpung ïalehkai kynjatbol jong ka Semi-Final jong ka Meghalaya State League (MSL) kaba dei ha Mawkyrwat Zone kaba long ha Madan Artificial Turf, MDSA, South West Khasi Hills District, Mawkyrwat.
Haba phai ha ka jingïalehkai bad ka jingïaknieh ban ïoh rung ha ka Final jong ka MSL, ka jingïalehkai hadpeng ka Rangdajied United FC pyrshah ïa ka Shillong Lajong FC ka la long ka jingïalehkai ba itynnad ha kaba ka Rangdajied FC ka la ïalehkai bha ioh ban thep 3 kol hynrei ka Shillong Lajong FC kam shem la lah ban thep wat tang shi kol haduh ba kut jong ka jingïalehkai.
Namarkata, haba phai ha ka jingïakheiñ poiñ ka Rangdajied United FC watla ka la ïoh ban thep 3 kol hynrei ka dang ïa khait bad ka Shillong Lajong FC. Kumta ban rai ïa ka jingjop bad pyntam ïa ka jingkheiñ poiñ, la shu pynïaleh noh da ka Tie Breaker ha kaba ka Rangdajied United FC ka la jop bad rung ha ka Final da kaba ka la tam noh da 4 – 3 kol pyrshah ïa ka Shillong Lajong FC.
Ha kane ka sngi na ka liang ka Meghalaya State League ka ïoh ruh ban ai sngewbha da ka cheque kaba T. 10/- hajar tyngka ïa u rangïalehkai u ba la ïoh ïa ka nam nongïalehkai ba tbit kata sha u bah Treimiki Lamurong jong ka Rangdajied United FC.
Kiba la wan ban sakhi ïa kane ka lympung ïalehkai ki long naduh u MLA ka Mawkyrwat Consti-tuency, u bah Renikton Lyngdoh Tongkhar, u Myntri ka tnad pule puthi jong ka jylla Meghalaya, u R.A. Sangma bad kiwei de.