Ka Expert Committee kadei ban ban ïakren beit ban pynbha ïa ka Reservation Policy: KHNAM

Shillong, Jylliew 05: Ka Seng KHNAM, ka la kren shai ba ki kyndon treikam jong ka Expert Committee kadei ban kynthup beit ïa ka mat ban review ïa ka Reservation Policy.
U Bah Thomas Passah, Working President, u la ong ba na ka liang ka Seng kumba ki la kren bad pynpaw ha ka All Party Meeting, ki ieng skhem.bad ki dawa ba ki terms of reference jong ka Expert Committee ki dei ban shai ba kan long beit halor *kumno ne ha kano ka rukom yn revise/modify ne pynkylla noh ia ka RP1972, khnang ba kan long ka ban nym noh shiliang ïano ïano ruh.
U Bah Thomas u la ong ba katkum ka jingkren u Conrad ha Tura ka paw ba ka kam jong ka Expert Committee ka long tang ban shu examine/study la ka long feasible/safe ne em ban revisit/review ia ka SRP bad ym dei ban review. ngi lah sngewthuh bha ba u Conrad un sa shu pynkyllain jalebi khnang ban pynslem khlem shim rai eiei wat haduh ban da kut syndon ka term san snem ka sorkar.Sa kawei lada u thung Chairman bad members tang da ki briew ba jied hi ka sorkar,te kin pynslem shuwa da bun ki daw bad khatduh kin sa rai ba ym long ban review ne modify namar ka long kaba ma palat namar ka rai jong ka Supreme Court kaba ong ban ym palat ia ka 50% reservation lane kiwei kiwei ki daw. Namar kata ka seng ka dawa ba ka sorkar kadei ban kynthup lang ruh ïa kiba na Rilum khasi kum i Kong Patricia Mukhim, Bah VG Kynta, Bah Toki Blah, Bah Robert Kharjarin, Dr Sumarbin Umdor, HOD Economic Department,NEHU bad kiwei kiwei.
Ka sorkar ka la ong ruh ban ha ka jingïalang jong ka kynhun Myntri kan sa wanrah ruh ïa kata ka Roster ba thymmai. Namar kata ka seng ka pynkynmaw ïa ka jingdawa jong ka seng ba ka Roster dei beit ban long beit nangne shakhmat.