Shillong, ïaïong: Ka Deputy Commissioner (Supply), East Khasi Hills, da kane ka pyntip sha ki nong bam rashon jong ka district ba ïa u khaw rashon u ba hap hapoh ka NFSA, Non-NFSA bad u khaw lyngba ka PMGKAY na ka bynta ki NFSA household (longïing) (AAY & PHH) bad ïa u Atta na ka bynta u bnai ïaïong 2022 la pyllait lyngba ki dukan sam rashon.
Ka jingsam ïa u khaw u ba hap hapoh ka NFSA bad Non-NFSA yn pyllait ha ka jingthew ka ba 35 kilo shi card ha ka dor T. 3/- shi kilo na ka bynta ki ba don ïa ka card AAY , 5 kilo shi khlieh ha ka dor T. 3/- shi kilo na ka bynta ki ba don ïa ka card PHH bad 7.215 kilo shi ïing ha ka dor T. 12.70/- – Rs. 13.00/- shi kilo na ka bynta ki nong ïoh jingmyntoi na ka Non-NFSA.
Katba ïa u khaw u ba hap hapoh ka PMGKAY na ka bynta ki NFSA households (AAY bad PHH) yn sam khlem da donkam ban siew pisa ha ka jingthew ka ba 5 kilo shi khlieh.ïa u Atta yn sam ha ka jingthew ka ba 5 kilo shi card ha ki jaka sor bad 3 kilo shi card ha ki thaiñ nongkyndong ha ka dor T. 10.50/- shi kilo.
Kino kino ki bym sam ïa kine ki mar bam lane ki ba sam duna ne da ki bym bha dei ïa ka ban pyntip mordor sha ka ophis jong ka DC (Supply), East Khasi Hills, Shillong.
