Jowai, Ïaïong 28: Ka Hynñiewtrep Integrated Territorial Organization (HITO) Jaiñtia Hills mynta ka sngi ka 28 tarik hapoh ka jingïalam u President samla Lawyerson War ha ryngkat u Organising Secretary Iomiki Passah HITO Jaiñtia kila leit tur shah ophis JIO kaba don ha Jowai ban dawa ban pynbeit ïaka jingthut ka network JIO ha baroh ka Ri-Lum Jaiñtia.
Halor kane ka seng kala ai por hapoh ka 3 sngi ïa katei ka ophis ban leh ïa kaba donkam, lym kumta ka seng kan khang noh shisyndon ïa katei ka office treikam jong ka JIO ha Jowai haka tei ka sngi ki nongïalam ka HITO Jaiñtia kila buh dorkhas ha khmat u Manager JIO bad utei u Manger ula kular ban pynbha noh hapoh 3 sngi.
Ka jingïakynduh bad katei ka ophis jong ka JIO ka dei hadien baki paidbah kila ujor bun bun sien sha katei ka ophis JIO hynrei kim shym la lah ban pynbiang ïaki jingthut jong ka network kaba la buh jingeh ïa ki paidbah ba pyndonkam ïa katei ka Network.
Dei halor katei ka nongrim ka seng kala leit hi ban ïakynduh markhmat ïa ki nongpeit jong katei ka ophis ka JIO ha Jowai, ha ka jingïakren bad u President jong ka seng ula ong ba kan myntoi aiu ïaka tei ka office kan don lada ym lah ban pynbiang ïa network?, ula kynthoh ruh ba ïaki voucher ki pynkiew dor hynrei kim lah pat ban ai ka jingshakri ba biang sha ki paidbah.
