Shillong, Jymmang 29 : Uwei u Nongkhaïi droks ba 27 snem, bala tip kyrteng kum u Vicky Shabong, uba dei u nongshong shnong na Pynthor Block-I, Shillong, ula ïoh ban phet tuh na ka kti ki Pulit katba ki dang ïalam ban leit medical check-up ha Shillong Civil Hospital.
U Vicky u dei uba la shah kem halor ka case ha Nongpoh Police Station bad ba la pynngat ïa u hapoh ka kyndon 21 (b)/29 jong ka NDPS Act, u dei uba la shah set hapoh ka Judicial custody.
Kane ka jingjia kala jia ha ka Sngi U Blei ha ka por ba ki Pulit ki ïalam ïa u ban leh medical check up ha Civil Hospital.
Ki Pulit kila pynlong ïa ka jingthwet kaba jur ban lapdien bad ïoh kem biang ïa une u nongkhaïi droks.
