Nongstoiñ, Jymmang 29: Ha kaba ïa dei bad ka Hospital MCH ha Nongstoiñ, na ka liang u Bah Gabriel Wahlang MLA hadien ba u la shimti kum u MLA ba thymmai jong ka Nongstoiñ, u la thoh sha ka Myntri ka tnad ka koit ka khiah ba kan shimkhia lem ban plie noh ïa ka MCH Hospital, ka Hospital 50 jingthiah ban sumar ïa ki longkmie ba ar met bad ki khunlung.
Na ka liang u MLA naduh ka 18 tarik mynta u bnai, hynrei u la dep pynpaw da ka jingthoh sha ka myntri kong Ampareen Lyngdoh halor ka jingsngew pyrshah kaba jur, halor ka jingthmu ban rah noh ïa ki tiar kiba la thied na ka bynta kane ka Hospital sha Civil Hospital Mawkyrwat.
Ha ka shithi u la ban jur ba ha ka jingshisha la dep ban tei ïa ka building naduh u snem 2018. Kumta ka jingkhmih lynti jong ki paidbah ban plie noh ka long kaba jur bha, namar kane ka Hospital ka long kaba donkam eh haduh katta katta. Namar kata ban pynkynriah ïa ki tiar ki tar sha kiwei pat ki District, ka long kaei kaei kaba kum u nongmihkhmat jong ki paidbah um lah satia ban pdiang.
Hynrei, kumba ka paw imat ka myntri kam kheiñ snep ei ei ïa ka jingkyrpad bad jong u nongmihkhmat ka Nongstoiñ. Kumjuh ruh ki don ki rew rangbah ka thaiñ Nongstoiñ kiba kynthoh jur, da kaba ong ruh ba kane ka kam ka sma jur bha ka iwtung politik.
Tangba, na ka liang u Bah Gabriel Wahlang MLA ba don burom ka Nongstoiñ, u la pynpaw shai ba un ym aili satia hynrei ban tur beit shakhmat halor kane ka kam na ka bynta ka bha ka miat ki paidbah ka Nongstoiñ baroh kawei.
