Jowai, Ïaïong 25: Ka jingkhot pakhang shnong jong ka Dorbar Shnong Tympang Iawmusiang ka ban treikam naduh lashai ka sngi 26 tarik ha ka por 6 baje mynstep haduh ka 6 baje janmiet jong ka 27 tarik u Iañong, 2022 na ka liang kiwei de ki Dorbar Shnong ba marjan kum ka Chunwakhu, Ladthadlaboh kumjuh ka Seiñ Raij Jowai kila kloi ban ai ka jingkyrshan pura ïa kane ka pakhang shnong ba 36 kynta.
Kane ka jingkhot pakang shnong ka long kum ka dak ban pyni sha ka sorkar halor ka jingdkot triekam jong ka namar haduh mynta ka sngi ka sorkar kam pat lah ban pynkhuid lut ïa ki ñiut ba sahkut ha sor Jowai hadien ba ka DS kala dep ban ai por khadduh lai sngi lyngba ka dorkhas ha u Deputy Commissioner ban leh ïa kaba donkam.
Na ka liang ka Chutwakhu Social Welfare Local Durbar lyngba ka kyrwoh na u Waheh Shnong ma Philanderwell Lyngdoh hadien ka jingïalang ba kyrkieh jong ka shnong kala rai ban ïatreilang bad kane ka jingthmu da kaba pyntip ba ïaka iawshyiap yn khang ïa ka hapoh kitei ki kynta katba ïa ki dukan hapoh shnong ki plie hi kumjuh. Kumjuh ruh ka Ladthalaboh Dorbar Pyllun ruh kan ïatreilang bad kane ka jingkhot pakhang hapoh ka shnong.
Ha kane ka pakhang shnong ba 36 kynty ym shah shuh ban ïarung ïmih shapoh ka Iawmusiang kaba kynthup naduh ki paidbah, ki nongdie kumjuh ïa ki kali ki mator lait tang ïa kito ki kali Emergency, ki nongtrei ka koit ka khiah, ki nongpynpoi dud, tyndong lyer bad ki lad pathai khubor.
