Mawkyrwat, Ïaïong, 10: Ka Sngap Syiem College, Mawkyrwat kaba long tang ma ka ka kolej hapoh South West Khasi Hills District ba la ithuh da ki bor pynïaid ba hakhlieh ka pule puthi kum ka University Grant Commission (UGC) bad National Assessment Accreditation Council (NAAC), Bangalore.
Kane ka kolej ka la ai jingshakri mynta la da ki 37 tylli ki snem. Nalor ka program pule ïa ki samla pule, ha ki snem ba kham mynshwa la ïoh ban wanrah katto katne ki Certificate Courses/programmes hynrei la pynsangeh noh ha u snem 2020 – 2021 na ka daw ka Covid-19.
Kumta mynta u snem 2022 kum ka kolej la ïoh ban sdang biang ïa kine ki Certificate Courses kum ka Spoken Hindi, Diploma in Computer Application (DCA) bad ka Data Entry Operator (DEO).
Ïa ka program la plie da u Dr. K.K. Nongsiej, I/c Principal jong ka Sngap Syiem College, Mawkyrwat ha ka taïew baladep ha ka jingdon ryngkat ki nonghikai lem bad ki Computer Instructors bad Hindi Instructor.
La pynïaid ïa ka programme da u babu Rastolin Turnia uba dei u Coordinator Equity Programme, Sngap Syiem College.
