1. Da ki phew lak ngut ki kmie ki kpa ha baroh shityllup ka pyrthei ki ju pynthikna ba ki khun jongki kin koit kin khlain bad lait ruh na shibun ki jingpang da ka ba leit ai dawai tika ïa ki.
2. Ha ba phi ïoh ïa kano kano ka jingpang ïabit, ki khñiang jingpang ki barit bad bymlah ban iohi da ki khmat ki lah rung ha ka met jongphi. Kine ki khñiang jingpang ki kha roi ha ka met jongphi bad ki pyntroiñ ïa ka met jongphi.
3. Ka met jongphi ka don ïa ki nongïada ban ïada ïa ka met jongphi na ki jingpang ba ki khot “ki antibodies”. Bad haba kine ki antibodies ki la pynïap noh ia ki khñiang jingpang kiba la rung ha ka met jongphi, ki shong sah ha ka met jongphi ban ïakhun biang ia ki khniang jingpang ki ba lah ban wan rung biang hadien habud.
4. Lyngba ki dawai tika la bsut hapoh ka met jongphi ïa kita kiba ki khot “Ki antigen” (da kaba injek da u thyrnia ne da ka ba shu pyndih). Kine ki antigen ki pynlong ia ka met jongphi ban shna ïa ki antibodies ki ban ïakhun ïa ki khñiang jingpang lada ki wan thombor ïa ka met hadien habud.
5. Don katto katne ki jait dawai tika kiba hap ban ai bunsien khnang ban ïarap ïa ka met jongphi ban shna kham bun ki antibodies kat ban biang ban ïakhun ïa kata ka jait jingpang.
6. Ki bun ki jait jingpang kiba shyrkhei kiba lah ban pynshitom, bad wanrah wat ïa ka jingïap ruh, kum u ñiangpyrsit, ka jingpang TB, ka Diptheria, ka jyrhoh ksew, jingpang Polio, Tetanus bad kiwei de, lah ban ïada da ka jingai dawai tika.
7. Ban ïada ia ka met jongphi na ki jingpang kiba lah ban iada, donkam ban ai dawai tika shuwa ba ka jingpang kan wan ha ka met.To protect your body you need to be immunised before the disease strikes.
8. Ban ïada ïa ki khynnah na ki jingpang, la ju ai dawai tika ïa ki naduh ba ki dang khyllung. Lada i khyllung i khlem iohlad ban ïoh dawai tika, lah ruh ban leit phah ai dawai tika hadien.
9. Ka por ban ai dawai tika na ka bynta ki khynnah ka lah ban iapher nakabynta kawei ka jingpang sha kawei pat. Wad jingtip lano bad hangno phi lah ban leit ai dawai tika ia ki khun jongphi ha ka dong kaba phi sah.
10. Phi lah ban ai dawai tika ia i khun jongphi wat lada i leh pang malu mala ha kata ka sngi. Kine ki khubor ka koit ka khiah ki dei ki ba la bishar bad pynjanai da ki riew shemphang ka koit ka khiah bad phi lah ban shem ïa ki ha ka ORB health website.
