Shillong, Naiwieng 27: Ka Khasi Students’ Union, Mawprem Circle, kan pynlong ïa ka “IX Maitshaphrang Academic Award-2022” ban ai jingithuh kyrpang ïa ka jingjop ki samla ki shnong kiba hap hapoh ka jingpeit jingkhmih ka KSU Mawprem Circle.
Kane ka jingpynkupburom ka KSU kaba yn pynlong kan long kum ka jingai mynsiem ïa ki dkhot ka jaidbynriew kiba rah burom ïa ka shnong da ka jingpass bha jong ki ha ki eksamin ba la pynlong ha u snem 2022.
“Ka KSU ka khot ïa ki samla pule ka shong ba sah ha kane ka shnong ka Lower Mawprem, Lumskhaid, Dymmiew, Lama-Villa, Mawbah bad Nongsohphoh kiba kot ka jingïoh mark 80% shaneng ha ka SSLC, 75% shaneng ha ka HSSLC (MBOSE, CBSE, ICSE) , 70% shaneng ha ka GRADUATE, 65 % shaneng ha ki POST GRADUATE bad ïa kiba pyndep ïa ka Ph.D bad ka khusnam kyrpang sha kito kiba ïoh distinction (80%) ïa ka Sobjek Khasi ha ki kyrdan pule bapher-bapher” ong ka kyrwoh.
Ka KSU ka khot ba ki samla kiba kot kitei ki jingïohmark kin phah ïa kine ki kot ki sla kata ka Marksheet (Self attested), Admit Card bad ka Residential Certificate (Original) ha lane shuwa ka 28 tarik Naiwieng lyngba kine ki WhatsApp number harumSSLC: 7308678092, HSSLC: 9436948016, Graduate: 8974403038, Post Graduate: 6909089748, Ph.D passed & kiba ïoh Distinction ïa ka sobjek Khasi: 6009085819.
