Jowai, Risaw 11: Ka lympung ïalehkai jong ka kyrdan 1st Division Football Tournament, 2022 ïa kaba la ai kyrteng ka ‘Chatister Kharkongor Memorial Trophy’, kaba la long mynta ka sngi ha Kiang Nangbah Stadium Dongmihsngi, Jowai.
Ïa kane ka lympung la pynïaid da ka West Jaiñtia District Sports Association (WJDSA) shi bynta na ka jingrakhe jubilee ksiar jong ka Association kaba la jam sha u mawmer ba 50 snem jong ka jingshakri ban pynkiew ïa ka kam ïalehkai Sports hapoh ka District.
Haba phai sha ka jingïakhun mynta ka sngi ka kynhun ïalehkai jong ka Mukhla Raij SC kala lah ban pynliem da 1-0 kol ïa ka Evergreen Mukhla SC, ïa katei ka shikol na ka Mukhla Raij SC la thep ha ka jingïakhun jong ka kylla step da u rangïalehkai jong ka u Joydeep Bamon haka minit ba 10.
Lyngka kane ka shikol kala neh haduh ba kut jong ka jingïalehkai ha kaba ka Mukhla Raij SC kala jop noh tang da shikol.
Ka jingïakhun lashai ka sngi 12 tarik kan long hadpeng ka Dulong SC pyrshah ïa ka Chutwakhu SC ha ka por 2 baje shiteng nohphai sngi.
