Yn ai jinghikai ka ‘Home Guards Volunteer’ ïa ki samla shynrang bad kynthei ha Mawkyrwat

Mawkyrwat, ‘Nailur, 30: Ka ophis jong u Officer Commanding, District Training Centre, Home Guards Mawkyrwat kan pynlong ïa ka ‘Home Guards Volunteer Training’ kaba 40 (sawphew) sngi na ka bynta ki samla shynrang bad kynthei jong ka South West Khasi Hills District.
Katei ka jingai jinghikai kan sdang ha ka 17 tarik u Risaw, 2022 ha Mawkyrwat naduh ka por 7:30 haduh 10:30 mynstep bad ka rta kan long naduh kiba 18 haduh 27 snem bad kiba la pass ïa ka klass 10 shaneng. La bthah ruh ba ïa ki kyrteng dei ban pynpoi hapoh ka ophis jong u Officer Commanding, District Training Centre, Home Guards, Mawkyrwat kaba don hapoh DC’s Ophis Campus, Mawkyrwat ha ki sngi longtrei kata naduh nyngkong haduh thohdieng.