Khliehriat nailur 27: Ki pulit jong ka Lumshnong Police Station hynnin ka sngi ki la kem noh ïa ki lai ngut snar nongtuh uba ju lute na ki nongñiah trok kiba ïaid lyngba na ka surok national highway-6 , Narpuh, East Jaiñtia Hills District, kitei nong lute ki dei u R.sutung, u E.Rymbai bad u R.Phyengap, kiba na East Jaiñtia Hills District.
Ki khubor pulit ki ïathuh ba tang shu ïoh jingtip shaphang ka jingshah lute, mar mar ki pulit ki la kthong ïa ki runar ha kaba tang hapoh khyndiat kynta la ïoh ban kem ïa ki lai ngut ki nongtuh nonglute, la rah ïa ki sha thanat bad la register ejahar pyrshah ïa ki ha Lumshnong Police Station bad ka jingtohkit ka dang ïaid.
La ong ruh ba na kitei ki nonglute, ki pulit ki la ïoh kurup kawei ka mobile phone, ka pisa T4500 bad ka kali Alto 800 maruti car kaba ki pyndonkam kitei ki runar nonglute.
