Hap pynkhuid hi ki nongñiah ïa ka ktieh ha tunel Sonapur

Khliehriat, Nailur 25 : Hynin ka sngi ka jingjysieh ka khyndew ktieh ka la jia biang ha ka surok national highway ha Sonapur, East Jaiñtia Hills District hajan ka tunel ha Sonapur, ki thymmei khubor ki ïathuh ba na ka daw ka jingbym shim khia ka National Highway Authority of India abd ki bor synshar district, ïa ka jyrsieh la pynkhuid hi da ki nongñiah kali bad ki nong leit nong wan (pasenger).
Ka jingjyrsieh ha kiba bun ki bynta jong ka surok national highway ha East Jaiñtia Hills District ka la long shaba palat khamtam ha katei ka jaka hajan ka tunel ha Sonapur, tang shu hap slap ka khyndew ka la syntuid beit ha surok bad wanrah ïa ka jingthut ka leit ka wan, kane ka jinghap kyndew mynta ka sngi ha katei ka jaka ka la jia ha ka por kumba 9.15 mynstep bad wanrah ka jingthut ka leit ka wan.
Ka jingjot jingjulor bad jing jyrsieh ka jur bha ha ki jaka ba don ki jingkieng, khamtam ha ki thaiñ Narpuh bad ka jinglong jingma ka surok bad ki jingkieng ka buh jingma bha ia ka jingim briew kiba ïaid da ki kali, namar ki bynta kiba ker na rud jong ka jingkieng ki la jot la pra bad julor bha.